سائقة التروسيكل التي استجاب الرئيس لحالتها تروي قصتها

قالت ناهد جمال سعيد، سائقة التروسيكل التي استجاب الرئيس لحالتها، إن زوجها لا يتواجد مع الأسرة حاليًا لظروف خارجة عن إرادته، متابعة: «كان شغال سايس، وحصلتله مشكلة فمش موجود معانا دلوقتي».
وأضافت خلال مداخلة هاتفية لبرنامج «من مصر» المذاع عبر فضائية «cbc»، صباح الاثنين، أنها تحملت مسؤولية بناتها بعد غياب والدهم، ذاكرة أنها اشترت تروسيكل بالتقسيط لتعمل به.
وتوجهت بطلب استخراج رخصة لكشك لأنها تعبت من العمل بالتروسيكل، ولتكون بالقرب من بناتها في مدارسهم، مستكملة: «الطلب التاني إن جوزي ربنا يفك ضيقته».
وتابعت: «أنا كنت بدور على شغل، بالصدفة لقيت عند ناس جيرنا تروسيكل وبيقولولي مش عارفين نشتغل عليه، فخوديه أكلي عيالك منه، وكملي القسط»، موضحة أنها تدفع قسط بقيمة 1260 شهريًا.
وأوضحت أن لديها 5 بنات، الكبرى تدرس في الصف الأول الإعدادي، والثانية في الصف السادس الابتدائي والثالثة في الصف الثالث الابتدائي، والرابعة في الصف الأول الابتدائي، مؤكدة أنها تبذل قصارى جهدها لكي يتموا تعليمهم.
وعن تعامل الناس معها أثناء عملها على التروسيكل، استطردت: «في منهم اللي بيضايقني وفي مش بيضايقني.. اللي بيضايقني مش بهتم بيهم لأني بجري على أكل عيشي ومليش دعوة بحد».